Mətn ölçüsü:
  • 100%

Ötən gün Avropa Oyunları yarışlarına əlavə 5 min bilet satılıb

Ötən gün I Avropa Oyunları yarışlarına əlavə olaraq, 5 min də bilet satılıb.

Bunu mətbuat konfransı zamanı “Bakı 2015” Avropa Oyunları Əməliyyat Komitəsinin əməliyyatlar üzrə baş icraçı direktoru Saymon Kleq deyib.

O bildirib ki, bundan əvvəlki gün isə əlavə olaraq, 12 mindən çox bilet satılmışdı.

Hazırda əlavə biletlərin satışının davam etdiyini deyən S.Kleq artıq Bakı Olimpiya Stadionunda bağlanış mərasiminin keçirilməsi üçün hazırlıq işlərinə başlanıldığını qeyd edib.

S.Kleq deyib ki, bu gün 7 idman növü üzrə yarışlar keçiriləcək: "Bu gün üzgüçülük və qılıncoynatma idman yarışları üzrə medallar təqdim ediləcək. Bu gün yarışlara 22 min tamaşaçının, sabah isə cüdo yarışlarının başlaması ilə əlaqədar olaraq, 30 min tamaşaçının olacağı gözlənilir".trend

Ölkə.Az