Hikki: İkinci Avropa Oyunlarının keçirilməsinə artıq dörd ölkə namizəddir

İkinci Avropa Oyunlarını Qərbi Avropada keçirmək lazımdır.

Bu barədə Associated Press-ə verdiyi müsahibəsində Avropa Olimpiya Komitəsinin rəhbəri Patrik Hikki bəyan edib.

Daha öncə Avropa Oyunları 2019-u Niderlandda keçirmək planlaşdırılırdı, amma ölkə onların keçirilməsindən bu xərclərin yüksək olmasını səbəb gətirərək etiraz etdi.

“AOK-un siyasəti Oyunların coğrafi miqyasını təmin etməkdən ibarətdir. Mən şəxsən hesab edirəm ki, ikinci Avropa Oyunları - mən adını çəkmək istəmirəm, amma Qərbi Avropada - Avropanın köhnə hissəsində keçirilməlidir. Niderland bu rola çox uyğun gəlirdi. Biz ikinci Avropa Oyunlarını Avropanın köhnə hissəsində keçirmək istəyirik. Bu, mümkündür, amma əgər mümkün olmasa onları lazım bildiyimiz yerdə keçirəcəyik”.

Onun sözlərinə görə, İkinci Avropa Oyunlarının keçirilməsinə artıq dörd dövlət namizəddir.

Amma o, ölkələrin adlarını çəkməkdən imtina etdi.

Hikkinin sözlərinə görə, namizədlərdən ikisi daha öncə seçimlərdə Niderlanda məğlub olublar, indi bu ölkələr yenidən oyunların keçirilməsinə dair ərizə veriblər. Digər iki ölkə isə ilk dəfə ərizə verib.

Hikkinin sözlərinə görə qərar ilin axırına kimi qəbul ediləcək.oxu.az

Ölkə.Az