Məmişzadə finalda: " Mübarizə ağır keçdi, amma..."

Avropa Oyunları çərçivəsində keçirilən boks yarışlarının yarımfinal və final mərhələləri davam edir.

Ölkə.Az xəbər verir ki, kişilər arasında 52 kq çəkidə mübarizə aparan boksçumuz Elvin Məmişzadə yarımfinalda almaniyalı rəqibi Hamza Touba ilə qarşılaşıb.
Mübarizəsinin sonunda Elvin Məmişzadə 3-0 hesabıyla qalib olub və finala vəsiqə qazanıb.

Döyüş barədə jurnalistlərə açıqlama verən Elvin Məmişzadə döyüşün ağır keçdiyini bildirib:

"Rəqibim güclü idi və buna görə də, mübarizə ağır keçdi. Amma çalışdım və finala keçməyi bacardım. İnşallah,finalda da qalib olub bayrağımızı qaldırıb himnimizi səsləndirəcəm".

Rəşid Mustafazadə

Fotolar: Kamil Əmirli

Ölkə.Az