Bakıda üçüncü dünya rekordu qırıldı
Rusiyalı üzgüçü Daniil Paxomov, Bakı 2015 ilk Avropa Oyunlarında kişilər arasında bugün keçirilmiş 100 metr məsafəyə batterflay növü üzrə, Rusiyaya gənclər arasında üçüncü dünya rekordunu qazandırıb.
Bakı Su İdmanı Mərkəzində baş tutmuş yarışda Paxomov, 52,25 saniyə ərzində öz üzgüçülük məharətini tam gücü ilə nümayiş etdirib. Çıxışı barədə danışan üzgüçü, əldə etdiyi nəticədən daha sürətli ola biləcəyini də vurğulayıb: "Mən onu gözləyirdim. Bütün məşqlər zamanı çox sürətlə üzürdüm və məşqçilərim mənə bildirdilər ki, sürətimi artıra bilərdim. Hətta daha da sürətli üzə bilərəm".
Rusiyanı təmsil edən üzgüçü Mariya Astaşkina, dünən qadınlar arasında keçirilmiş üzgüçülük idmanın 200 metr məsafəyə brass növündə rekord göstərici nümayiş etdirib (2:23.06).
Rus üzgüçü Anton Çupkov isə, 100 metr məsafəyə brass kateqoriyasında gənclər arasında əldə etdiyi əvvəlki dünya rekordunu yeniləyə bilməyib. O, 1:00.94 vaxt hesabı ilə yarışı bitirib. Qeyd edək ki, rus üzgüçü 2014-cü il Nankində keçirilmiş gənclər arasında Olimpiya Oyunlarında 1:00.84 vaxt hesabı ilə rekord göstərici əldə etmişdi.
Azərbaycanın sevinməyə əsası var. Belə ki, Anton Jeltyakov kişilər arasında üzgüçülük idman növünün 100 metr məsafəyə brass kateqoriyası üzrə mübarizədə yarımfinal mərhələsinə vəsiqə qazanıb.
Bu yarış, Rusiya oyunçularının hamısı üçün heç də uğurlu olmayıb. Belə ki, danimarkalı üzgüçü Julie Jensen 50 metr məsafəyə sərbəst kateqoriya üzrə səhərki çıxışında rus idmançı Kameneva üzərində qələbə əldə edib və beləliklə də Jensen, hollandiyalı favorit Marrit Stinbergeni də qabaqlamış olub.
Digər uğursuz çıxış Rusiyanı təmsil edən üzgüçü Aleksand Prokofyev tərəfindən olub. O, kişilərin 200 metr məsafəyə sərbəst növ üzrə yarışında yarımfinala çıxa bilməyib. Çünki həmyerliləri Elisei Stepanov və Nikolay Snegirev daha sürətli çıxış nümayiş etdirərək onu qabaqlayıblar. (Ans)
Ölkə.Az
