TASS-dan “Bakı 2015” xərcləri barədə xəbərə düzəliş

I Avropa Oyunlarının açılış və bağlanış mərasimlərinin xərci 100 milyon manatdan az (95 milyon dollar) məbləğdə qiymətləndirilir. 

Bu barədə TASS agentliyinə Azərbaycan Gənclər və İdman naziri Azad Rəhimov məlumat verib.

Xatırladaq ki, əvvəl bəzi mətbuat orqanları TASS-a istinadən açılış və bağlanış mərasimlərinə təqribən 240 milyon manat (229 milyon dollar) vəsaitin xərclənməsi barədə məlumat yaymışdı.

TASS-ın məlumatına əsasən, A.Rəhimov bildirib ki, açılış və bağlanış mərasimlərinə büdcədən əlavə məbləğ tələb olunmayıb və xərclər 100 milyon manatdan (95 milyon dollar) az olub. (Trend)

Ölkə.Az