Bağlanışda oxuyacaq ifaçılar məlum oldu

“Bakı-2105”in bağlanışı ilə bağlı əksər şəxsləri maraqlandıran sual mərasimə hansı məşhurların qatılacağıdır. 

Bir çox yerli saytda bağlanışın qonaqları sırasında Madonna, Beyonce, Rikki Martin kimi dünya şöhrətli müğənnilərin adı çəkilirdi. Nəhayət ki, bununla bağlı yeni məlumat sosial şəbəkələrdə yayılıb. 

Beləliklə, bağlanış mərasimə qatılan məşhurlardan biri britaniyalı müğənni və bəstəkar Con Nyumandır. Onun “Love Me Again” sinqlı 2013-cü ildə Böyük Britaniya hit-paradına başçılıq edib. 

Amma Nyuman Bakıya gələn tək sənətçi deyil. Onunla birlikdə mərasimdə “Clean Bandit” elektro-qrupunun da iştirak edəcəyi deyilir. Qrupun “Rather Be” musiqisi “Qremmi” mükafatına layiq görülüb. 

Mərasimə digər müğənnilərin qatılıb-qatılmayacağı ilə təbii ki, hələlik məlum deyil. Bu, yalnız 21:00-da baş tutacaq mərasimdə bilinəcək. (1nevvs.az)

Ölkə.Az