Latviya prezidenti azərbaycanlı nazirin qızının toyunda rəqs etdi

Bu gün Latviyanın yeni prezidenti Raymond Veyonis vəzifəsinin icrasına başlayır. Onun tərcümeyi-halının əsas faktları çoxlarına məlumdur.

Lakin “Otkrıtıy qorod” (“Açıq şəhər” – red) portalı aydınlaşdırıb ki, press-relizlərdə bütün məqamlar dəqiq göstərilməyib.

Latviyanın yeni prezidenti 1966-cı ildə Rusiyanın Pskov şəhərində anadan olub.

Onun atası latış, anası rusdur.

Latviya mətbuatı yazır ki, Raymond Veyonis həmçinin Azərbaycanın ekologiya və təbii sərvətlər naziri Hüseynqulu Bağırovla dostluq edir.

Latviyanın baş naziri İ.Emsis iddia edir ki, Bağırov və Veyonis 1990-cı illərin əvvəlində tanış olublar.

Latviyalı baş nazirin sözlərinə görə, Veyonis çox ünsiyyətcildir və insanlarla, o cümlədən də xarici dövlətlərin yüksək vəzifəli məmurları ilə rahat dil tapır.

“Məsələn bir dəfə biz Bakıda toyda olduq. Azərbaycanın ekologiya naziri öz qızını ərə verirdi. Raymondun Qafqaz rəqslərini necə oynadığını görmək lazım idi. Çox şən mənzərə idi”, - deyə, baş nazir bildirib.oxu.az

Ölkə.Az