“ASAN xidmət”: SOCAR-la bağlı 31 mindən çox müraciət öz həllini tapdı

2015-ci ilin yanvar-iyun ayları ərzində Dövlət Neft Şirkəti ilə bağlı (SOCAR) Bakı şəhərindəki 1, 2, 3 və 4 saylı ASAN xidmət mərkəzlərinə 31 957 müraciət daxil olub. 

Bu barədə Ölkə.Az-a SOCAR-dan məlumat verilib.

Müraciətlər, “smart” tipli qaz sayğacları ilə təchiz olunmuş istehlakçılara müvafiq xidmətlərin göstərilməsi,müraciətlərdən asılı olaraq “Azəriqaz” İB-nin müvafiq strukturlarından tələb olunan məlumatların əldə olunması və bu məlumatlar əsasında abonentlərə xidmətlərin göstərilməsi ilə əlaqədar olub. 

SOCAR bildirir ki, müraciətlərin hamısı tam icra edilib. 

Qeyd edək ki, istehlakçılarla münasibətlərin təkmilləşdirilməsi, göstərilən xidmətin keyfiyyətinin yüksəldilməsi məqsədilə Birlik bu istiqamətdə fəaliyyətini bundan sonra da davam etdirəcək.

Ölkə.Az