Yeni doğulan körpələr ilk 6 ay yalnız ana südü ilə qidalanmalıdır

Yeni doğulan körpələr ilk 6 ay yalnız ana südü ilə qidalanmalıdır - Nazirlik

“Sonra süni qarışıqlıqlar ortaya çıxmağa başladıqca bəziləri istəyərəkdən, bəziləri isə istəməyərəkdən süni qarışıqlarameyl etdi və ana südü istifadəsi azalmağa başladı. Elmi tədqiqatlar göstərdi ki, bu sağlamlığa çox ciddi zərər verir. Ona görə də mötəbər qurumlar ana südünün əhəniyyətindən danışmaq, bu mövzuda fərqindəlik yaratmaq təşəbbüsünə əl atdı”.

Ölkə.Az xəbər verir ki, bu sözləri Səhiyyə Nazirliyinin mütəxəssis-eksperti, pediatr Erlkin Rəhimov ana südü həftəsi ilə bağlı danışarkən deyib. O, ana südünün faydalarını da sadalayıb:

“Biz həkimklər ana südünü “möcüzə” olaraq adlandırırıq. Çüni ana südünün faydaları çoxdur. Ola bilsin növbəti illərdə bilmədiyimiz daha başqa faydaları da üzə çıxacaq. Ana südünün ananın özünə, uşağa, cəmiyyətə və iqtisadiyyata faydaları var.
Bunların içərisində ən sadıəsəi iqtisadi faydadır. Ana südü üçün maddi vəsait tələb olunmur, uşağa uyğun sintez olunur, istilik dərəcəsi, sululuğu, qatılığı və s. hamısı körpəyə uyğun olur.
Yeni doğulduğu dövrdə ana südü ilə qidalanma insana həm yetkin yaşında, həm də qocalığında çox faydalıdır. Bütün protokollarda qeyd olunur ki, uşaq doğulduqdan sonra ilk 6 ay yalnız ana südü ilə qidalanmalı, azı 2 yaşa qədər tamamlayıcı qidalarla davam etmək lazımdır.

Uşaq doğulan kimi mümkünsə, ilk yarım saat ərzində uşaqla ana arasındakı təmas həm ananın uşağa öyrəşməsi, ana südünün daha tez əmələ gəlməsi, həm uşağın ananın qoxusunu duyub rahatlamasına və tez süd əmməyə öyrəşməsinə köməklik göstərir.

Anadan gələn ilk süd zülallarla zəngindir və uşaqlarda immunitetin güclənməsinə köməklik göstərir. Ana südünün tərkibində sadəcə qida maddələri yox, həm də bir çox qoruyucu hüceyrələr var. Bu südün tərkibində uşağın əqlindən tutmuş büdün bədən funksiyalarına qədər təsir göstərən xüsusi maddələr var”, - deyə o bildirib.

Billurə Yunus