Paşinyan sayı gizlədir, Azərbaycan xeyli irəliləyib - Erməni mediası
“Paşinyan ölənlərin sayını gizlədir. Əgər belə olmasaydı, Paşinyan hakimiyyəti ölənlərin siyahısını dərc edərdi. Çünki ölənlərin sayı həddən artıq çoxdur. Sadə bir hesablama aparaq. Paşinyan 105 hərbçinin öldüyünü deyir. Bunlar hələ ki döyüş medanından çıxarılan meyitlərdir. Azərbaycan tərəfi isə 100-dək erməni meyidini verməyə hazır olduğunu bəyan edir. Bu, 205 nəfər edir”.
“Ölkə.Az” xəbər verir ki, bu fikirlər “hraparak” nəşrində əksini tapıb.
Erməni mediası onu da yazır ki, Azərbaycan tərəfi 100 erməni hərbçisinin meyitinin verilməsini deyirsə, deməli, onlar xeyli irəliləyiblər, mövqe tutublar.
“Daha Ermənistan tərəfinin dediyi kimi, bu bir-iki mövqe deyil. O zaman belə bir sual yaranır: niyə dərc etmirlər, nədən narahatdırlar, niyə bu günə qədər vəziyyət sərhəd münaqişəsi kimi qələmə verilir? Müdafiə Nazirliyində akkreditasiyadan keçmiş jurnalistləri Zəngəzura belə buraxmırlar, nəyi gizlədirlər, nədən qorxurlar. Qorxurlar ki, irəvanlılar birdən başa düşəcəklər ki, genişmiqyaslı əməliyyat həyata keçirilib”- “hraparak” yazır.
Mürtəza
Ölkə.Az
