Şəhidlərlə vida mərasimi keçirildi

"Ölkə.Az" Report-a istinadən xəbər verir ki, Gəncənin Qızıl qaya qəsəbəsində şəhid - 1993-cü il təvəllüdlü Üzeyir Sabir oğlu Əliyevlə vida mərasimi keçirilib.Vida mərasimində şəhidin ailə üzvləri ilə yanaşı ictimaiyyət nümayəndələri, hüquq-mühafizə orqanlarının əməkdaşları, rəsmi şəxslər iştirak ediblər. Daha sonra şəhid Göygöl rayon Şəhidlər Xiyabanında dəfn olunub.

Qazax rayon Kəmərli kənd sakini, 1993-cü il təvəllüd, XTQ zabiti Yunis Qasım oğlu Kazımovla Qazax rayon Kəmərli kəndində ailəsinin yaşadığı evin önündə vida mərasimi keçirilib. Vida mərasimində şəhidin yaxınları ilə yanaşı ictimaiyyət nümayəndələri, Qazax sakinləri və hüquq mühafizə orqanlarının əməkdaşları iştirak edib. Sonra şəhid Kəmərli kənd Qəbiristanlığında dəfn olunub.

Ermənistan Silahlı qüvvələrinin törətdiyi təxribat nəticəsində şəhid olan, Tovuz rayon sakini, 1985-ci il təvəllüdlü Əhmədov Firuz Məzahir oğlu ilə vida mərasimi keçirilib. Vida mərasimindən şəhidin yaxınları ilə yanaşı ictimaiyyət nümayəndələri, hüquq-mühafizə orqanlarının əməkdaşları və rayon sakinləri iştirak edib. Vida mərasimində sonra şəhid Tovuz şəhər Qəbristanlığında dəfn olunub.

Qeyd edək ki, gizir F.Əhmədov erməni silahlı qüvvələrinin Laçın istiqamətində törətdiyi təxribat nəticəsində şəhid olub.

Gəncə şəhər sakini, Asiman İmamverdiyevlə vida mərasimi keçirilib. Vida mərasimindən sonra şəhid Gəncə şəhər Şəhidlər Xiyabanında dəfn olunub.

Allah rəhmət eləsin!