Türkiyə ilk dəfə İŞİD-ə zərbələr endirdi

2 qərargah və 1 toplama mərkəzi vurulub.

Ölkə.Az xəbər verir ki, Türkiyə ilk dəfə olaraq İŞİD terror təşkilatının mövqelərinə zərbələr endirilib.

Ötən gecə yarısından sonra havaya qalxan Türkiyə reaktivləri sərhəd boyu yerləşən İŞİD mövqelərini hədəfə alıblar.

Hücumlarda sərhədin yaxınlığında yerləşən İŞİD mövqelərinə qarşı hücumlar reallaşdırılıb. İki gün əvvəl Kilis Qubernatorluğu tərəfindən xüsusi təhlükəsizlik bölgəsi elan olunan bölgə reaktivlər tərəfindən 4 dəfə bombalanlb. Reaktivlərin atdığı bombaların səsləri Kilisdən də eşidilib. Əməliyyata dünən şəhid olan gizir Yalçın Nanenin adı verilib.

Hücumların Suriya hava sahəsinə girilmədən edildiyi və 2 qərargah,1 toplama mərkəzinin vurulduğu bildirilib.

Xatırladaq ki, dünən Türkiyə - Suriya sərhədində Kilis Elbeyli ərazisində İŞİD terrorçuları Türkiyə əsgərlərinə atəş açmışdı. Atışma zamanı 1 əsgər şəhid olmuş, 4 əsgər isə yaralanmışdı.

İyulun 20-i Türkiyənin Şanlıurfa vilayətinin Suruç rayonunda törədilən terror aktı törədilib. Amara Mədəniyyət Mərkəzinin həyətində partlayıcı qurğu işə salınıb. Nəticədə hadisə yerində 31 nəfər ölmüş, xeyli sayda yaralananlar olmuşdu.

Partlayışı İŞİD üzvü olan 18 yaşlı qızın törətdiyi bildirilmişdi.

Rəşid Mustafazadə

Ölkə.Az