Azərbaycanda ehtiyac meyarı 23% artırılır
Gələn il ehtiyac meyarının həddi 246 manat nəzərdə tutulur.
“Ölkə.Az” “Azərbaycan Respublikasının 2023-cü il dövlət büdcəsi haqqında” qanun layihəsinə istinadən xəbər verir ki, bu, 2022-ci illə müqayisədə 23% çoxdur.
Bununla da 2023-cü ildə ölkə üzrə yaşayış minimumu və ehtiyac meyarının hədləri bərabərləşmiş olacaq.
Qeyd edək ki, əvvəlki illərdə olduğu kimi, 2023-cü ilin dövlət büdcəsi də sosialyönlü olaraq proqnozlaşdırılıb. 2023-cü ildə bu məqsədlə 15,2 milyard manat vəsait nəzərdə tutulur ki, bu da 2022-ci illə müqayisədə 1,3 milyard manat və ya 9,3 faiz çoxdur.
