Elnur Soltanov: "Türkiyədə yaradılacaq qovşağa təbii qaz nəql edə bilərik"
Azərbaycan Türkiyədə yaradılması planlaşdırılan təbii qaz qovşağına "mavi yanacaq" nəql etməyə hazırdır.
“Ölkə.Az” Report-a istinadən xəbər verir ki, bunu energetika nazirinin müavini Elnur Soltanov bildirib.
"Əgər bu cür tədarüklər ölkədə fəaliyyət göstərən xarici şirkətlər üçün faydalı olarsa, Azərbaycan Türkiyədəki qovşağa qaz verə bilər", - deyə o, qeyd edib.
Nazir müavini xatırladıb ki, Azərbaycanda qaz hasilatı ilə əsasən Dövlət Neft Şirkəti (SOCAR) deyil, “Şahdəniz” beynəlxalq konsorsiumu məşğul olur: “SOCAR da həmin konsorsiumda təmsil olunur. Lakin qaz nəqli oradakı digər şirkətlər üçün iqtisadi baxımdan əsaslandırılmalıdır. Bundan pul qazanmaq mümkündürsə, onlar hazır olacaqlar”.
Azərbaycanın təsdiq edilmiş təbii qaz ehtiyatları 2,6 trilyon kubmetrdir.
