Yeni təmir olunan yolda xətləmə işləri unuduldu - FOTO
Yasamal rayonu, Ələsgər Ələkbərov küçəsindəki yolun (“Space” TV-nin arxası) təmirindən təxminən altı ay ötsə də, asfalt üzərində heç bir nişanlanma işləri aparılmayıb.
“Ölkə.Az” xəbər verir ki, bu barədə sosial şəbəkələrdə bir sıra fotoşəkillər paylaşılıb.
Fotolardan görünür ki, burada yerləşən məktəbin qarşısındakı piyada keçidi üzrə nişandan başqa nə avtomobillər, nə də piyadalar üçün nişanlanma yoxdur.
Sakinlərindən biri qeyd edir ki, sözügedən ikitərəfli yolun uzunluğu 860 metrdir və bir neçə küçə və döngə ilə kəsişir: “Təmirdən əvvəl yol pis vəziyyətdə olsa da, nişanlanma var idi. İndi isə yol təmir olunub, lakin nişanlanma yaddan çıxıb”.
Azərbaycan Avtomobil Yolları Dövlət Agentliyinin (AAYDA) mətbuat katibi Anar Nəcəfli “Ölkə.Az”a açıqlamasında bildirdi ki, məsələ ilə bağlı məlumatlıdırlar: “Məsələ ilə bağlı məlumatımız var. Yaxıən günlərdə xətləmə işləri tam olaraq yekunlaşdırılacaq”.
Könül
Ölkə.Az
