Neft yenidən ucuzlaşmağa başlayıb

"Ölkə.Az" xəbər verir ki, buna səbəb Çində artan COVID-19 yoluxmalarının dünyanın ən böyük xam neft idxalçısının yanacaq istehlakını azalacağı ilə bağlı narahatlıqlar və Neft İxrac Edən Ölkələr Təşkilatının (OPEC) 2022-ci il üçün qlobal tələb proqnozunu aşağı salması olub.

Belə ki, "Brent" markalı neft fyuçersləri bazar ertəsi 3% ucuzlaşmanın ardından bu gün 0,27 dollar və ya 0,3% dəyər itirib və 1 barel üçün 92,87 dollara düşüb. ABŞ-ın Qərbi Texas (WTI) xam nefti əvvəlki sessiyada 3,5% ucuzlaşdıqdan sonra 0,5 dollar və ya 0,6% azalaraq 85,37 dollar/barel olub.

Ötən həftə Çinin iqtisadi aktivliyi və enerji tələbini stimullaşdırmaq üçün COVID məhdudiyyətlərini azaldacağına dair açıqlamaları neft qiymətlərinə müsbət təsir göstərsə də, analitiklər məhdudiyyətlərin risk olaraq qaldığını söyləyib.

Həmçinin OPEC yüksək inflyasiya və artan faiz dərəcələri də daxil olmaqla artan iqtisadi çətinlikləri əsas gətirərək, aprel ayından bəri 2022-ci il üçün qlobal neft tələbinin artımı proqnozunu beşinci dəfə azaldıb.

Könül
Ölkə.Az