Qlobal neft qiymətlərinə təsir edən AMİLLƏR

"Ölkə.Az" xəbər verir ki, "Brent" markalı neft fyuçersləri 0,6 dollar və ya 0,6% ucuzlaşaraq bareli 93,26 dollara düşüb. ABŞ-ın Qərbi Texas (WTI) markalı xam neftinin fyuçersləri isə 0,69 dollar və ya 0,8% ucuzlaşaraq bareli 86,23 dollar olub.

Macarıstan və Slovakiyadakı neft kəməri operatorlarının verdiyi məlumata görə, neftin qiyməti çərşənbə axşamı Şərqi və Mərkəzi Avropanın bəzi hissələrinə Drujba boru kəmərinin bir hissəsi ilə neft nəqlinin müvəqqəti dayandırılmasından sonra artıb.

Çində artan COVID-19 yoluxmaları isə bu həftə virus məhdudiyyətlərinin yüngülləşdirilməsi ilə yaranan ümidlərə baxmayaraq qiymətlərə mənfi təsir göstərib.

Beynəlxalq Enerji Agentliyinin (IEA) neftə tələbin artımının bu il sutkada 2,1 milyon bareldən 2023-cü ildə 1,6 milyon barelə qədər azalacağını proqnozlaşdırması, eləcə də bundan əvvəl Neft İxrac Edən Ölkələr Təşkilatının (OPEC) 2022-ci il üçün qlobal neft tələbatının artımı ilə bağlı proqnozunu aprel ayından bəri 5-ci dəfə azalması qiymətlərə azaldıcı təsir göstərib.

Bazarların geosiyasi riskləri nəzərə alması təhlükəsiz sığınacaq olaraq dolları möhkəmləndirib. Belə ki, güclü ABŞ dolları digər valyuta sahibləri üçün dollarla ifadə olunan əmtəələri daha baha edir və neft və digər risk aktivlərinə təsir göstərir.

ABŞ xam neft ehtiyatlarında gözləniləndən daha böyük azalma neft qiymətlərinə müəyyən dəstək verib. Bazar mənbələrinin ABŞ Neft İnstitutunun rəqəmlərinə istinadən verdiyi məlumata görə, ABŞ-ın xam neft ehtiyatları noyabrın 11-də başa çatan həftə ərzində təxminən 5,8 milyon barel azalıb.

Könül
Ölkə.Az