Gərginliklə bağlı narahatlıqların azalması nefti ucuzlaşdırdı
Cümə axşamı neft qiymətləri geosiyasi gərginliklə bağlı narahatlıqların azaldılması, Çində artan COVID-19 yoluxmaları fonunda azalma nümayiş etdirib.
"Ölkə.Az" xəbər verir ki, "Brent" markalı neft fyuçersləri 1,04 dollar və ya 1,1% ucuzlaşaraq bir bareli 91,82 dollar olub. ABŞ-ın Qərbi Texas (WTI) xam neftinin fyuçersləri isə 1,17 dollar və ya 1,4% ucuzlaşaraq 84,42 dollar/barelə bərabər olub.
Qeyd edək ki, Polşa və NATO hərbi ittifaqı çərşənbə günü Polşaya atılan raketin Rusiyanın zərbəsi olmadığını, Ukraynanın hava hücumundan müdafiə sistemləri tərəfindən səhvən atıldığını ehtimal edib. Rusiya və Ukrayna arasında müharibənin sərhədi aşması qorxusununun azalması isə qlobal bazarda xam neft qiymətlərini ucuzlaşdırıb.
Həmçinin Çində artan COVID-19 yoluxmaları dünyanın ən böyük xam neft idxalçısında tələbin azalacağı ilə bağlı narahatlıqları artırıb.
Könül
Ölkə.Az
