"WTI" nefti son 11 ayın ən aşağı səviyyəsinə endi
Bazar ertəsi neft fyuçersləri bir barel üçün 2 dollardan çox ucuzlaşıb, "WTI" son 11 ayın ən aşağı səviyyəsinə enib.
"Ölkə.Az" xəbər verir ki, buna səbəb əsas neft idxalçısı olan Çində ciddi COVID-19 məhdudiyyətlərinə etirazların tələbi azaldacağı ilə bağlı narahatlıqlar olub.
"Brent" markalı neft 2,16 dollar və ya 2,6% ucuzlaşaraq, sessiyanın əvvəlində 81,16 dollara endikdən sonra bir barel üçün 81,47 dollara satılaraq yanvarın 11-dən bəri ən aşağı səviyyəyə düşüb.
ABŞ-ın Qərbi Texas (WTI) markalı nefti 2,08 dollar və ya 2,7% ucuzlaşaraq 74,20 dollar/barelə düşüb. Daha əvvəl isə 73,82 dollara qədər ucuzlaşıb ki, bu da 2021-ci dekabrın 27-dən bəri ən aşağı göstərici olub.
Ötən həftə 10 aylıq minimuma çatan hər iki neft müqavilələri ardıcıl olaraq üç həftəlik eniş nümayiş etdirib. "Brent" son həftədə 4,6%, "WTI" isə 4,7% ucuzlaşıb.
Könül
Ölkə.Az
