Neft kəskin ucuzlaşmadan sonra yenidən bahalaşır

"Ölkə.Az" xəbər verir ki, "Brent" markalı neft fyuçersləri 1,81 dollar və ya 2,2% bahalaşaraq bir barel üçün 85,00 dollara satılıb. ABŞ-ın Qərbi Texas (WTI) neft fyuçerslərinin dəyəri isə 1,37 dollar və ya 1,8% artaraq 78,61 dollar/barelə çatıb.

Qeyd edək ki, "Brent" neftinin qiyməti ötən gün 80,61 dollara - yanvarın 4-dən bəri ən aşağı səviyyəyə enmişdi. "WTI" 2021-ci ilin dekabrından bəri ən aşağı səviyyəyə çatmışdı.

"OPEC+"ın qarşıdan gələn görüşlərdə əlavə hasilatın azaldılmasını ciddi şəkildə nəzərdən keçirəcəyinə dair sözlər qiymət artımını daha da artırıb.

Onu da qeyd edək ki, Neft İxrac Edən Ölkələr Təşkilatı (OPEC) və Rusiya da daxil olmaqla "OPEC+" dekabrın 4-də görüş keçirməyə hazırlaşır. Bir sıra analitiklər Çində tələbin zəifləməsinin hasilatın azaldılacağı qərarına təkan verəcəyini irəli sürüblər.

Könül
Ölkə.Az