Azərbaycanın sığorta bazarında blokçeyn tətbiq olunacaq
Azərbaycanda sığorta bazarında blokçeyn texnologiyalarının tətbiqi istiqamətində işlər görüləcək.
"Ölkə.Az" xəbər verir ki, bunu Dördüncü Sənaye İnqilabının Təhlili və Koordinasiya Mərkəzinin Rəqəmsal iqtisadiyyat şöbəsinin rəisi Cavid Abdullayev deyib.
O bildirib ki, ilkin olaraq Azərbaycanda blokçeyn texnologiyalarının tətbiqinə dair ehtiyatlı addımların atılması nəzərdə tutulub: "2022-2026-cı illərin sosial-iqtisadi inkişaf strategiyasında ilkin olaraq sığorta bazarında blokçeyn texnologiyalarının tətbiqi (ağıllı müqavilələr) istiqamətində işlərin araşdırılması hədəflənib".
"Daha sonra ölkə iqtisadiyyatının digər sahələrində blokçeyn texnologiyalarının tətbiqinə dair işlərin görülməsi planlaşdırılır", -deyə C. Abdullayev əlavə edib.
Könül
Ölkə.Az
