“Kapital Bank” nizamnamə kapitalını 20 milyon manat artırır
2022-ci il dekabrın 22-27-də ticarətə buraxılan “Kapital Bank” ASC-nin nominal dəyəri 12,39 manat olan AZ1003005159 dövlət qeydiyyat nömrəli, 19,999,999.95 manat həcmində, adi adlı sənədsiz səhmlərinin abunə yazılışı üzrə yerləşdirilməsi yekunlaşıb.
"Ölkə.Az" bu barədə Bakı Fond Birjasına istindən xəbər verir.
Məlumata əsasən, abunə yazılışı zamanı anderrayterə 63 investor tərəfindən 12,39 manat qiymətindən 66 sifariş təqdim edilib.
Abunə yazılışı üzrə toplanmış sifarişlərin nominal qiymətlə ümumi məbləği 19,999,999.95 manat təşkil edib. Səhmlərin nominal qiymətlə yerləşdirilmiş həcmi isə 19,999,999.95 manat təşkil edib.
Yerləşdirmə üzrə anderrayter “Paşa Kapital İnvestisiya Şirkəti” QSC-dir.
