Azərbaycanda illik inflyasiya açıqlandı
2022-ci ildə Azərbaycanda istehlak qiymətləri indeksi 2021-ci ilə nisbətən 113,9%, o cümlədən ərzaq məhsulları, içkilər və tütün məmulatları üzrə 119,5%, qeyri-ərzaq məhsulları üzrə 108,6%, əhaliyə göstərilmiş ödənişli xidmətlər üzrə 110,4% təşkil edib.
"Ölkə.Az" bu barədə Dövlət Statistika Komitəsinə istinadən xəbər verir.
Məlumata görə, ötən ay isə istehlak qiymətləri indeksi əvvəlki ayla müqayisədə 101%, əvvəlki ilin dekabr ayına nisbətən 114,4% olub.
2022-ci ilin dekabr ayında ərzaq məhsulları, içkilər və tütün məmulatları üzrə istehlak qiymətləri indeksi əvvəlki ayla müqayisədə 101,7%, əvvəlki ilin dekabr ayına nisbətən isə 119% təşkil edib.
