KOB İnvestisiya Fondunun fəaliyyətə başlayacağı tarix açıqlandı

"Ölkə.Az" Report-a istinadən xəbər verir ki, bunu İqtisadiyyat Nazirliyinin tabeliyində Kiçik və Orta Biznesin İnkişafı Agentliyinin  İdarə Heyətinin sədri Orxan Məmmədov rəhbərlik etdiyi qurumun ötənilki fəaliyyətinin yekunları ilə bağlı mətbuat konfransında bildirib.

“Hazırda bu məsələ ilə bağlı dövlət qurumları arasında danışıqlar aparılır, bütün rəylər yığılıb, təkcə Maliyyə Nazirliyi ilə bağlı məsələlər qalıb, bunlar təsdiq edildikdən sonra inanırıq ki, KOB İnvestisiya Fondu tezliklə fəaliyyətə başlayacaq. Burada əsas məqsəd hansısa layihələrdə sahibkarlıq subyektləri ilə birlikdə tərəfdaş olmaqdır. İnanırıq ki, sahibkarlar bu alətdən yararlanacaqlar. İmkan olacaq ki, dövlət vəsaitindən başqa yerli investor də müəyyən maliyyə vəsaiti qoyaraq bu fondun iştirakçısı olsun”, - deyə o qeyd edib.

Bundan başqa, sədr deyib ki, Azərbaycan banklarında kreditlərin illik faiz dərəcələri yüksəkdir: "Biz deyə bilmərik ki, onlar nə vaxtsa azalacaq, amma dövlətin də güzəştli maliyyə alətləri var. Sahibkarlar bundan uğurla istifadə edir. Bəzən iş adamları banklara sənədlərini düzgün təqdim etmir. Azərbaycan Mərkəzi Bankı ilə bizim biznes masamız fəaliyyət göstərir. Müxtəlif sahibkarlar, "Azərbaycan Banklar Assosiasiyası" İctimai Birliyi bu masanın üzvüdür. Sahibkarların müəyyən problemlərini dinləyə bilirik".