Meydiyevlərin bankı zərərdən yaxa qurtara bilmir

 

“Ölkə.Az”ın məlumatına görə, sözügedən dövrə bankın cəmi aktivləri 374,200 mln manat təşkil edib. Bu isə ötən ilin eyni dövrü ilə müqayisədə 3,4% azdır.

 

Müştərilərə verilmiş xalis kreditlərin həcmi illik müqayisədə 0,06% artaraq 251,203 mln manat təşkil edib.

 

Ötən ilin dördüncü rübünün yekunları ilə müqayisədə bankın tələbli depozitlərin həcmi 10,2% azalaraq 16,663 mln manata enib, müddətli depozitləri isə 10,6% artaraq 142,561 mln manata yüksəlib. Bankın cəmi öhdəlikləri isə 5,6% artaraq ötən ilin dekabrın 31-ə 324,146 mln manat təşkil edib.

 

“Bank BTB”nin cəmi kapitalı isə illik müqayisədə 5 mln manata yaxın və ya 9% azalaraq 50,054 mln manata enib. Cari ilin üçüncü rübündə isə bu rəqəm 49,319 mln mln manat təşkil edirdi.

 

Cari ilin dekabrın 31-nə bankın xalis faiz gəlirləri 9,530 mln manat, xalis qeyri-faiz xərcləri isə 9,088 mln manat təşkil edib.

 

 

Əməliyyat mənfəəti 442 min manat olan bank aktivlər üzrə mümkün zərərlərin ödənilməsi üçün xüsusi ehtiyatın yaradılmasına 5,417 mln manat ayırıb. Mənfəət vergisi ödəməyən bankın 2022-ci ilin son rübünə xalis zərəri 4,975  mln manat təşkil edib. Qeyd edək ki,

 2022-ci ilin iyunun 30-na bankın xalis zərəri 5,274 mln manat, sentyabrın 30-na xalis zərəri 5,714  mln manat təşkil edib.

 

Bununla da bankın bölüşdürülməmiş zərəri 19,402 mln manata çatıb. 

 

Xatırladaq ki, “Bank BTB”nin səhmlərinin 74,99%-i Nigar Mehdiyevaya, 19,01%-i Rza Sadiqə (Müşahidə Şurasının sədri), 6%-i isə Tükəzban Mahmudovaya məxsusdur. Mətbuatda Nigar Mehdiyevanın Prezident Administrasiyasının sabiq rəhbəri Ramiz Mehdiyevin gəlini olduğu qeyd olunur.

 

Könül Ölkə.Az