Bakıda oğrular polis maşınını vurdular

Bakıda polisin xidməti avtomobilini vurublar. Hadisə Binəqədi rayonu Xocəsən qəsəbəsində qeydə alınıb.

Daxili İşlər Nazirliyindən bildiriblər ki, hadisə avqustun 14-də saat 01 radələrində baş verib.

Belə ki, Binəqədi rayonunu ərazisində xidmət aparan Post Patrul Xidməti Bölüyünün əməkdaşları üzərində dövlət qeydiyyat nömrə nişanları olmayan “Pegout” markalı avtomobilin sürücüsünə “Saxla” işarəsi veriblər.

Lakin hərəkəti davam etdirən sürücü Ziya Rəhimli və sərnişin Mükafat Ağayev polisin xidməti avtomobili vurub hadisə yerindən qaçmağa cəhd göstərərkən saxlanılıb.

Avtomobilə baxış zamanı qarət üçün lazım olan avadanlıqlar - süngü-bıçaq, cib bıçağı, 2 ədəd göz yerləri açılmış idman papağı və avtomobil dövlət qeydiyyat nişanları aşkar edilərək götürülüb.

Faktla bağlı araşdırma aparılır.

Ölkə.Az