Bank sektorunun cari vəziyyəti məlum oldu

“Ölkə.Az” xəbər verir ki, bank sektorunun kredit portfeli 0,4% və ya 75,2 mln. manat artaraq 19,669.6 mln. manat olub. Kredit portfelinin strukturunda biznes kreditləri 55,2% (10,845.6 mln. manat), istehlak kreditləri 29,5% (5,811.9 mln. manat), ipoteka kreditləri 15,3% (3,012.2 mln. manat) paya malik olub.

2023-cü ilin yanvar ayında cəmi kredit portfelində (BOKT-lər və kredit ittifaqları daxil olmaqla) vaxtı keçmiş kreditlərin payı əvvəlki ilin müvafiq dövrünə nəzərən 1,2% bəndi azalaraq 2,9% təşkil edib.

Yanvar ayında bankların əmanət portfeli (sahibkarlıqla məşğul olan fiziki şəxslər istisna olmaqla) 1,8% və ya 203,8 mln. manat artıb. Əmanət portfelinin 53%-i (6,196.3 mln. manat) müddətli əmanətlərdən ibarət olub.

Fiziki şəxslərin əmanətlərinin dollarlaşması yanvar ayında ilin əvvəlinə nəzərən 0,4% bəndi, əvvəlki ilin müvafiq dövrünə nəzərən isə 0,5% faiz bəndi azalaraq 38,8% təşkil edib.

2023-cü ilin yanvar ayında bankomatların sayı ötən ilin müvafiq dövrü ilə müqayisədə 3,2%, POS-terminalların sayı isə 29,5% artıb.