“Trendyol” açıqlaması ilə bağlı sərt sözlər: vətəndaşın marağı qorunmur
"Ölkə.Az" xəbər verir ki, iqsadçı ekspert Natiq Cəfərli bu açıqlamanı sərt tənqid edərək C. Süleymanlını vəzifəsini bilməməkdə ittiham edib:
“Antiinhisar fəaliyyəti haqqında qanunda deyilir ki, qurum bazarda hökmran mövqedə olan şirkətlərlə məşğul olmalıdır. Qanunun 4-cü maddəsi: Hökmran mövqe-təsərrüfat subyektinin öz iqtisadi potensialının üstünlüyünə əsaslanaraq rəqabətə həlledici təsir göstərməyə imkan verən və bununla da bazarın digər iştirakçılarının bazara daxil olmasını çətinləşdirən müstəsna vəziyyəti. Bazarda payı 35 faizdən və ya qanunvericiliklə müəyyən olunmuş digər həddən çox olan təsərrüfat subyekti hökmran mövqe tutan hesab olunur”.
Ekspert bildirib ki, C. Süleymanov ilk olaraq öz işlədiyi orqan haqqında qanunu oxuyub-öyrənməlidir: “Trendyol” bazarda hökmran mövqe tutan şirkət deyil, klassik anlamda pərakəndə satışla məşğul olan şirkət də deyil. Yəni Antiinhisar Komitəsinin bu işlə əlaqəsi yoxdur. Hə, işsizlikdən əziyyət çəkirlərsə getsinlər, məsələn, dərman bazarını yoxlasınlar, bu bazarda satış həcminin 50%-nə yaxınına nəzarət edən şirkətlər var.
Cavid Süleymanov daha sonra “Azərbaycan bazarındakı pərakəndəçi, «Trendyol»dakı qiymətlə rəqabət apara bilmir. Bu vəziyyətdə bir rəqabət orqanı olaraq bizim, ölkədə yerləşən pərakəndə satış məntəqəsini qorumaq öhdəliyimiz var”, deyir. Lakin anlamır ki, onun işi vətəndaşın maraqlarını qorumaqdır. Onlar sevinməlidirlər ki, rəqabət var, onlayn satışla ənənəvi satışın rəqabətindən udan vətəndaşlar var. Lakin deməli vətəndaşın marağını deyil, ölkədə molların sahiblərinin, onların fantastik icarə haqqlarının, məmurlara bağlı iri yerli satış təmsilçilərinin maraqlarını qorumağa çalışır”.
N. Cəfərlinin sözlərinə görə, daha bir məsələ odur ki, onlayn ticarət dünyada 20 ildir sürətlə inkişaf edir: “Bu, tək mal satmaq deyil, bu həm də infrastrukturdur, yeni iş yerləridir, İT sektorunun inkişafı, yeni bilikli kadrlar deməkdir. Bu düçüncə “sovetləşmiş” məntiqlə bağlıdır”.
Könül
Ölkə.Az
