Polis idarəsində ölən şəxsin

Ölkə.Az Mingəçevir şəhər polis idarəsinə çağırılan və oradaca dünyasını dəyişən 1988-ci il təvəllüdlü Hacıyev Bəhruz Dilsuz oğlunun fotolarını əldə edib

Qeyd edək ki, B.Hacıyevin atası oğlunun polis idarəsinə dindirilmək məqsədi ilə aparıldığını söyləyib. D.Hacıyevin sözlərinə görə, bu barədə onlara heç nə deyilməyib və oğlu polis idarəsinə aparılandan təxminən 20 dəqiqə sonra ölüb.

DİN Mətbuat Xidmətinin rəis müavini Ehsan Zahidov isə "Qafqazinfo"ya bildirib ki, avqustun 20-də Mingəçevir sakini Bəhruz Hacıyev şübhəli şəxs qismində Şəhər Polis Şöbəsinə gətirilib:

"İnzibati binadakı xidməti otaqlardan birində əməkdaşlar tərəfindən dindirilən B.Hacıyev, qəfildən özünü pəncərədən aşağı atıb və dərhal vəfat edib. Mərhumun yaxın qohumlarının iştirakı ilə məhkəmə tibbi ekspertizasında müayinə olunan meyitin üzərində zorakılıq əlamətləri aşkar edilməyib.

Hazırda faktla bağlı Mingəçevir şəhər Prokurorluğunda cinayət işi qaldırılıb. İstintaqın nəticəsindən asılı olaraq məsələyə hüquqi qiymət veriləcək".

İntiqam VALEHOĞLU

Ölkə.Az