Azərbaycanda əhali gəlirlərinin 95%-ni xərcləyib
2022-ci ildə Azərbaycan əhalisinin xərcləri 65 764,4 mln manat təşkil edib.
Bu barədə məlumat Dövlət Statistika Komitəsi tərəfindən “Ölkə.Az”ın sorğusuna cavab olaraq bildirib.
Belə ki, ötən il əhalinin nominal gəlirləri və xərcləri arasında fərq 3 150,2 mln manat təşkil edib və gəlirlər xərclərdən 4,8% çox olub.
2022-ci ildə əhalinin hər nəfərinə düşən xərc isə 6 514,4 manat olub ki, bu da adambaşına düşən nominal gəlirlərdən 330,5 manat və ya 4,8% az olub.
Ötən il əhalinin xərcləri gəlirlərinin 95,4%-ni, adambaşına düşən xərcləri isə gəlirlərinin 95,2%-ni təşkil edib.
Könül
Ölkə.Az
