xa0"Asia Times": Ukraynanın yaz hücumu Pentaqonda planlaşdırılıb

"Ölkə.az" xəbər verir ki, bunu analitik Stiven Brayan “Asia Times” qəzetindəki məqaləsində yazıb.

Onun sözlərinə görə, Ukraynanın ciddi şəkildə hazırlaşdığı yaz hücumu, Kiyevdə deyil, Pentaqonda planlaşdırılıb.

Müəllif Ukrayna tərəfinin danışdığı “yarımadanın ələ keçirilməsi” planlarına işarə edib. O, ABŞ-ın bu məqsədə çatmaq üçün Kiyevə böyük miqdarda hərbi texnika ötürməsinə diqqət çəkib.

“Hazırda daha nə qədər ABŞ gəmisinin okeanda olduğu və ya başqa limanlara çatdığı məlum deyil. Lakin məlumdur ki, NATO Ukrayna hücumu başlayan kimi daşımalara hazırlaşır”, - Brayan bildirib.

O, etiraf edib ki, Vaşinqton Krımda əməliyyatlar üçün Kiyevə aviasiya verəcək. Təhlilçinin fikrincə, ABŞ təyyarələrinə Ukrayna nişanlarının tətbiq edilərək, onları ABŞ və ya NATO pilotlarının idarə edəcəyini gözləmək olar.

Bir müddət əvvəl ABŞ Dövlət Departamentinin rəhbərinin müavini Viktoriya Nuland Krımda Rusiya hərbi obyektlərinin Ukrayna üçün qanuni hədəf olduğunu bildirmişdi. Bununla belə, o vurğulayıb ki, yarımadadan əvvəl Kiyev digər “əhəmiyyətli əraziləri” qaytarmalıdır.

Elvin

Ölkə.az