“Unibank”da 31 milyon yığılmış zərər - Riskli aktivi artıb
“Ölkə.Az”ın məlumatına görə, sözügedən dövrə bankın cəmi aktivləri 1 446,168 mln manat təşkil edib. Bu isə ötən ilin eyni dövrü ilə müqayisədə 34,6% çoxdur.
Müştərilərə verilmiş kreditlərin həcmi illik müqayisədə 19,9% artaraq 940,572 mln manat təşkil edib.
ÖHDƏLİKLƏRİ ARTIB
Ötən ilin ilk rübünün yekunları ilə müqayisədə bankın depozit portfeli isə 40% artaraq 1 001,258 mln manata çatıb. Bankın cəmi öhdəlikləri isə 36,3% artaraq cari ilin martın 31-ə 1 328,307 mln manat təşkil edib.
Səhmdar kapitalı 138,200 mln manat, yığılmış zərəri 30,744 mln manat olan “Unibank”ın cəmi kapitalı 117,861 min manat təşkil edib. Bu isə illik müqayisədə 17,4% çoxdur.
2023-cü ilin ilk rübünün yekununda bankın xalis faiz gəlirləri 30,807 mln manat, xalis qeyri-faiz xərcləri isə 16,320 mln manat təşkil edib.
RİSKLİ AKTİVLƏRİ ARTIB
Əməliyyatlarını 14,216 mln manat mənfəətlə icra edən bank mümkün zərərlərin ödənilməsi üçün xüsusi ehtiyatın yaradılmasına ayırmalarını illik müqayisədə 64,6% artıraraq 9,926 mln manata çatdırıb. Bu da bankın riskli aktivlərinin artımından xəbər verir.
Bununla da bank cari ilin ilk rübünü 4,290 mln manat xalis mənfəətlə başa vurub.
Könül
Ölkə.Az
