Neft ucuzlaşmanın ardından cüzi bahalaşdı
Neft qiymətləri cümə günü cüzi artım nümayiş etdirib.
"Ölkə.Az" xəbər verir ki, "Brent" markalı neftin iyun fyuçersləri 0,44 dollar və ya 0,6% artaraq bir barel üçün 78,81 dollara, daha aktiv şəkildə satılan iyul fyuçersləri isə 0,47 dollar və ya 0,6% bahalaşaraq 78,69 dollara yüksəlib.
ABŞ-ın Qərbi Texas nefti (WTI) 0,40 dollar və ya 0,5% bahalaşaraq bir bareli 75,16 dollar olub.
Ümumilikdə isə hər iki müqavilə bu həftə təqribən 3,5% dəyər itirib.
Buna səbəb ABŞ-da birinci rüb üzrə iqtisadi artım tempinin gözləniləndən daha yavaş irəliləməsi olub.
İnvestorlar həmçinin inflyasiya ilə mübarizə aparan mərkəzi bankların potensial faiz artımlarının ABŞ, İngiltərə və Avropa İttifaqında iqtisadi artımı yavaşlatacağından və enerji tələbatını azaldacağından narahatdırlar.
Könül
Ölkə.Az
