Ekstrasens Zirəddin: "Rusiya digər qonşu ölkələrlə də toqquşmalı olacaq"
“Ölkə.Az” xəbər verir ki, Ekstrasens Zirəddin Rzayev “Moskovski Komsomolets”ə müsahibəsində Rusiya-Ukrayna müharibəsi, Kiyevin əks-hücum əməliyyatı, müharibənin nə zaman bitəcəyi və Rusiyanı qarşıda nə gözləməsi ilə bağlı açıqlamalar verib.
O, may ayında Rusiya-Ukrayna cəbhəsində ağır döyüşlərin olacağını proqnozlaşdırır.
Ekstrasensin sözlərinə görə, ağır döyüşlər gözlənsə də, Rusiya-Ukrayna müharibəsi artıq yekunlaşmaq mərhıləsindədir.
“Bu müharibə 2023-cü ildə geridə qalacaq və danışıqlar buna öz töhfəsini verəcək.
Mən görürəm ki, münaqişə ya tamamilə dayanacaq, ya da passiv vəziyyətdə olacaq”, o qeyd edib.
Rusiyanın Ukraynada məğlub olmayacağını qeyd edən Zirəddin Rzayev əmindir ki, Moskva qələbə qazanacaq: “ABŞ üçün isə Ukraynada final çox rüsvayedici şəkildə Əfqanıstandakı kimi olacaq. Və o finala az qalıb”.
Bununla belə o qeyd edib ki, Aİ və NATO Rusiya ilə işi bitmiş hesab etməyəcək və digər qonşu dövlətləri də yeni qarşıdurmalara sürükləyəcək. Əlavə edib ki, nəticədə bəşəriyyət çətin dövrlərlə üzləşməli olacaq, lakin "bizim ölkəmiz" bundan çıxmağı bacaracaq, amma Qərb üçün asan olmayacaq.
Mürtəza
Ölkə.Az
