Müflis olan bank maliyyə holdinqinə satıldı
2008-ci ilin maliyyə böhranından sonra ABŞ-ın iflas edən üçüncü bankı Amerika maliyyə holdinqi “JPMorgan Chase”ə satılıb.
“Ölkə.Az” xəbər verir ki, son iki ayda ABŞ-ın iflasa uğrayan üçüncü bankı olan “First Republic Bank” əvvəlcə tənzimləyici - Kaliforniya Maliyyə Mühafizəsi və İnnovasiya Departamenti tərəfindən Federal Əmanətlərin Sığortalanması Korporasiyasına təhvil verilib. Daha sonra isə bankın depozit portfeli və aktivləri “JPMorgan”a satılıb.
Maliyyə holdinqi “First Republic Bank”ın depozit portfeli və aktivlərini ələ keçirmək üçün banka sövdələşmənin bir hissəsi olaraq 10,6 milyard dollar ödəyəcək.
Qeyd edək ki, son aylarda ABŞ-da bank sektorundakı problemlər nəticəsində “First Republic Bank”ın səhmləri 50%-ə yaxın dəyər itirmişdi.
Xatırladaq ki, bir neçə ay öncə ABŞ-da iki bank – “Silicon Valley Bank” və “SVB” bank iflasını açıqlamışdı.
Könül
Ölkə.Az
