Bakı Dövlət Universitetində yanğın olub - VİDEO
Bakı Dövlət Universitetində yanğın baş verib.
Ölkə.Az xəbər verir ki, bu barədə görüntülər sosial şəbəkələrdə paylaşılıb.
Yayılan məlumatlarda yanğının universtetin 2-ci korpusunda baş verdiyi bildirilib.
Fövqəladə Hallar Nazirliyindən Ölkə.Az-a bildirilib ki, Dövlət Yanğından Mühafizə Xidmətinin qüvvələri dərhal əraziyə cəlb olunub.
"Hadisə yerində əməliyyat şəraitinin ilkin qiymətləndirilməsi zamanı BDU-nun təmirdə olan ikinci korpusunun zirzəmisində 4 kvadrat metr sahədə məişət tullantılarının yandığı müəyyən edilib.
Yanğınsöndürənlər tərəfindən həyata keçirilmiş operativ tədbirlər sayəsində yanğın genişlənməsinə imkan verilmədən qısa müddətdə söndürülüb",- deyə məlumatda qeyd edilib.
