Uşaqlar "kriminalni" mahnıya oynadı: "Bu necə tərbiyə etməkdir..." - FOTO

Ölkə.Az xəbər verir ki, uşaqlar üçün təşkil edilən doğum günü qonaqlığında çəkildiyi ehtimal olunan video insanlar tərəfindən birmənalı qarşılanmayıb.

Belə ki, videoda 5-8 yaş aralığında olan oğlan uşaqlarının başında papaq, əllərində təsbehlə böyüklərə xas olan formada rəqs etməsi, ətrafdakıların da onları alqışlaması öz əksini tapıb.

Azad Əliyev adlı sosial şəbəkə istifəçisi sözügedən videonu “faciənin görüntüsü” adlandırıb:

“Kriminala meyillilik, oğru dünyasına sevgi, aqressiya ilə dəliqanlılığın səhv salınması, bizi çox pis yerə aparıb çıxaracaq. Həyəcan zəngi hamı üçün çalınır”.

Mustafa Kamal adlı istifadəçi isə videoya: "Oğru balası oğru, prokuror balası prokuror" olar şərhini verib.

Müşviq Əhmədov adlı istifadəçi isə bu cür mahnıların şüuraltına mənfi təsirindən yazıb:

“Bu nə düşüncə tərzidir, bu necə uşaq tərbiyə etməkdir? Hələ fəxr də edirlər ki, övladımız belə gic-gic musiqilərə rəqs edir. Uşaqların şüuraltına daxil olan belə mahnılar və hərəkətlər gələcəkdə onları potensial cinayətkara çevirir. Heyif məmləkətimdən, heyif millətimdən”.

Qeyd edək ki, sözügedən video sosial şəbəkələrdə açıq şəkildə paylaşılsa da, azyaşlıların üzünün göstərilməsi etik olmadığından örtülmüş skrinşotları təqdim edirik:

Billurə