ABŞ-da böhran qorxusu: Neft qiymətləri necə dəyişir?

ABŞ-da böhran qorxusu: Neft qiymətləri necə dəyişir?

ABŞ-da tənəzzül qorxusu noyabrdan bəri ilk dəfə qiymətləri ardıcıl olaraq 3 həftə endirdikdən sonra neft qiymətləri qismən artıb.

"Ölkə.Az" xəbər verir ki, "Brent" markalı nefti fyuçersləri 0,11 dollar və ya 0,2% bahalaşaraq bir barel üçün 75,41 dollar olub. ABŞ-ın Qərbi Texas (WTI) xam neftinin fyuçersləri isə 0,12 dollar və ya 0,2% bahalaşaraq 71,46 dollar təşkil edib.

Qeyd edək ki, ABŞ-ın bank böhranının iqtisadiyyatı yavaşlatacağı və dünyanın ən böyük neft istehlakçısında yanacağa tələbatı azalacağı ilə bağlı narahatlıqlar ötən həftə "Brent" neftini 5,3%, WTI neftini isə 7,1% ucuzlaşdırmışdı.

Bununla belə, aprel ayı üçün ABŞ iş yerləri hesabatı, daha zəif dollar və Neft İxrac Edən Ölkələr Təşkilatının və müttəfiqlərinin OPEC+ iyun ayında keçiriləcək növbəti iclasında tədarükün azaldılması gözləntiləri cümə günü hər bir neft markasının təqribən 4% yüksəlməsinə kömək edib.

İnvestisiya bankı "Goldman Sachs"ın analitikləri isə şənbə günü yaydıqları hesabatda neftin qiymət proqnozunu dekabr ayına qədər 95 dollar/barel, aprel ayına 100 dollar səviyyəsində saxlayıb.

Könül
Ölkə.Az