Azərbaycanda küçə reklamlarından gəlirlər azalıb

“Ölkə.Az” xəbər verir ki, agentliyin cəmi aktivləri 7,259 mln manat olub. Bu isə 2021-ci ilin yekunları ilə müqayisədə 435 min manat və ya 5,7% azdır.

Dövlət qurumun cəmi öhdəlikləri illik müqayisədə 62,8% azalaraq 288 min manata enib.  Cəmi kapitalı isə 6,971 mln manat olub ki, bu da 2021-ci ilin yekunu ilə müqayisədə 3,5% azalma deməkdir.

ADRA ötən il reklam yayım haqqlarından 6,120 mln manat gəlir əldə edib. Bu isə illik müqayisədə 2,7% azdır. Digər gəlirləri isə 3 dəfə azalaraq 150 amnata enib.

İnsan resursları üzrə xərcləri 4,704 mln manat, əsas vəsaitlər və qeyri-maddi aktivlarin amortizasiya xərcləri 507 min manat, icarə xərcləri 431 min manat, istifadə edilmiş mal-material ehtiyatları 49 min manat, təmir və saxlanma xərcləri 74 min manat, ezamiyyə xərcləri 50 min manat, digər əməliyyat xərcləri 325 min manat, digər xərcləri isə 236 min manat olan Dövlət Reklam Agentliyinin xərcləri gəlirlərini üstələyib.

Nəticədə, agentlik ötən ili 254 min manat xalis zərərlə başa vurub. Qeyd edək ki, 2021-ci ildə agentlik 933 min manat xalis mənfəət əldə etmişdi.

Könül
Ölkə.Az