ABŞ-da ehtiyatların artımı nefti ucuzlaşdırdı
ABŞ neft ehtiyatlarında gözlənilməz artım neft qiymətlərini aşağı endirdi.
"Ölkə.Az" xəbər verir ki, "Brent" markalı neft 0,52 dollar və ya 0,7% ucuzlaşaraq bareli 76,92 dollara, ABŞ-ın Qərbi Texas (WTI) nefti isə 0,49 dollar və ya 0,7% ucuzlaşaraq 73,22 dollara düşüb.
Bazar mənbələrinə görə, Amerika Neft İnstitutunun açıqladığı rəqəmlərdə tələbin zəifləməsinin mümkün əlaməti olaraq ABŞ-ın xam neft ehtiyatları mayın 5-də bitən həftədə təqribən 3,6 milyon barel, benzin ehtiyatları isə 399 min barel artıb.
Bu isə analitiklərin xam neft və benzin ehtiyatlarının azalması ilə bağlı gözləntilərini alt-üst edib.
Aprel ayında Çində daha aşağı xam neft idxalı və daha yumşaq ixrac artımı ilə bərabər ABŞ-ın neft ehtiyatlarının artımı qlobal neft tələbi ilə bağlı narahatlığı daha da çoxaldıb.
Könül
Ölkə.Az
