Gömrük Komitəsi 130 min manatlıq it yemi alır
Dövlət Gömrük Komitəsi xidməti axtarış itlərinə sərf olunacaq quru it yeminin satın alınması ilə bağlı elan etdiyi açıq tenderə yekun vurub.
“Ölkə.Az” xəbər verir ki, tenderin qalibi “Bayvet” MMC olub.
Qalib təşkilatla 129,989 min manat məbləğində satınalma müqaviləsi imzalanıb.
Qeyd edək ki, “Bayvet” MMC 10.04.2013 tarixində dövlət qeydiyyatına alınıb və qanuni təmsilçisi Hüseynov Oqtay Məhi oğludur. Şirkətin nizamnamə kapitalı 10 manat, hüquqi ünvanı Bakı şəhəri Xətai rayonu, Gəncə pr., ev 27, m. 132-dir.
Könül
Ölkə.AZ
