Azərbaycanda 25 illik şirkət bağlanır

"Ölkə.Az" xəbər verir ki, şirkət bununla bağlı ümumi yığıncaq keçirəcək.

ASC səhmdarlarının 2023-cü il iyunun 30-u saat 11.00-da baş tutacaq növbəti illik ümumi yığıncağında 2022-ci ilin maliyyə-təsərrüfat fəaliyyətinin yekunlarına aid hesabatın müzakirəsi və təsdiqi, "Qazanbulaq Mədəni Məişət" ASC-nin ləğv edilməsi, ASC-nin idarə heyəti sədrinin və üzvlərinin vəzifədən azad edilməsi və ləğvetmə komissiyasının (təsviyyəçinin) təyin edilməsi, şirkətin ləğv edilməsi ilə əlaqədar qanuna uyğun tədbirlərin həyata keçirilməsi haqqında qərarın qəbul olunması məsələləri müzakirə ediləcək.

Qeyd edək ki, "Qazanbulaq Mədəni Məişət" ASC 15.10.1998 tarixində dövlət qeydiyyatına alınıb və qanuni təmsilçisi Mehtiyev Samir Müzəffər oğludur. Şirkətin nizamnamə kapitalı 140,414 min manat, hüquqi ünvanı Goranboy rayonu, Qazanbulaq ştq-dir.

Könül
Ölkə.Az