Göydə 1 milyard manatımız var, yoxsa 700 milyon?

Göydə 1 milyard manatımız var, yoxsa 700 milyon?

"Ötən gün "Azərkosmos" rəhbəri Saməddin Əsədov bildirib ki, Azərbaycan üç peykin ("Azerspace1", "Azerspace2" və "Azersky1") hazırlanması üçün 700 milyon manat investisiya yatırıb. Hansı ki, bu xərclərin də 85%-i xarici banklardan götürülən kredit hesabına olub. Biz isə bu haqda dəfələrlə yazarkən və çıxışlar edərkən bu investisiyanın1 milyard manat olduğunu, yəni göydə bir milyardımızın olduğunu vurğulayırdıq. Bu rəqəmlər arasında nə üçün belə kəskin fərqlər var?"

“Ölkə.Az” xəbər verir ki, bunu Azərbaycan İnternet Forumunun prezidenti, İKT üzrə ekspert Osman Gündüz deyib. O bildirib ki, "Azərkosmos" rəhbərliyi yatırılan investisiyanın məbləğini o zamankı kursla hesablayaraq açıqlayır:

"O zaman peyklərə çəkilən xərclər təxminən belə olub: “Azerspace-1” - 233 milyon dollar, “Azerspace-2” - 191 milyon dollar, “Azersky1” -157 milyon avro. Əlbəttə, o zamankı kursla hesablasaq, bu məbləğ təxminən 700 milyon, indiki kursla hesablasaq bu məbləğ təxminən bir milyard manat edəcək. Yəni, "göydə bir milyardımız var" dedikdə biz bunu indiki məzənnə ilə nəzərdə tuturuq”.

"Saməddin Əsədov ötən günkü açıqlamasında həm də, nəhayət ki, yeni Azersky2 müşahidə peykimizin İsrail tərəfindən hazırlanmasını da gizlətməyib. Hansı ki, cəmi bir neçə gün öncə "Azərkosmos" rəsmi açıqlamasında bu tip məlumatları "dəqiqləşdirilməmiş məlumatlar" hesab etmişdi", - deyə O. Gündüz əlavə edib.