Yaya qədər arıqlamaq istəyirsinizsə, bunlara əməl edin

"Ölkə.az" xəbər verir ki, bu sözləri Yelena Sviridova Lenta.ru-ya müsahibəsində bildirib.

"Arıqlamaq üçün daha çox tərəvəz yemək lazımdır. Ancaq çox vaxt onların nə qədər faydalı olacağı hazırlıq üsulundan asılıdır. Daha çox tərəvəzləri buxarda bişirməyə çalışın. Dadı daha parlaq və zəngin etmək üçün maraqlı ədviyyatlar və otlar əlavə edə bilərsiniz.

Yumurta da bədəni formaya salmağa kömək edəcək. Onları yedikdən sonra aclıq hissindən məsul olan qrelin hormonunun səviyyəsi azalır, beləliklə, gün ərzində özünüzü uzun müddət tox hiss edə bilərsiniz. Qarabaşaq isə arıqlamağınıza kömək edəcək. Tərkibində çoxlu dəmir, faydalı vitaminlər var, həmçinin orqanizmdə xolesterinin səviyyəsini aşağı salır. Ancaq qəhvəni bitki çayları ilə əvəz etmək daha yaxşıdır.

Qəribədir ki, bir çox insanlar bitki çaylarının əhəmiyyətini və faydalılığını düzgün qiymətləndirmirlər. Lakin onların tərkibində çoxlu faydalı maddələr var. Onlar nəinki əhval-ruhiyyəni qaldırmağa, həm də maddələr mübadiləsini sürətləndirməyə kömək edəcək. Bağırsaq və ya mədə ilə bağlı probleminiz varsa, onlar bu problemlərin həllində də təsirli olacaq”, - Sviridova bildirib.

Dietoloq sonda əlavə edib ki, kifayət qədər su içməyi də unutmamaq lazımdır. Su bədəndə maddələr mübadiləsini yaxşılaşdırır, bu da maddələr mübadiləsinin sürətlənməsinə və piylərin yandırılmasına səbəb olur.(Publika.az)