Azərbaycanda 15 yaşlı qız zorla evləndirilir? - Rəsmi açıqlama
Ölkə.Az xəbər verir ki, bu barədə Qadın və Uşaq sığınacağının sədri Mehriban Zeynalova məlumat yayıb.
"Çox vacib bir məsələni aidiyyatı qurumların nəzərinə çatdırmaq istəyirik. 15 yaşlı qız təhsildən yayındırılaq evləndirilmək üzrədir. Artıq qonşulara dəvətnamələr belə paylanıb. Verilən məlumata görə, azyaşlı dəfələrlə başqa şəxslərlə məcburi nişanlandırılıb, ancaq nişanı qaytarılıb. Bizə verilən məlumatda onu da bildirdilər ki, azyaşlı özü evlilik barədə razılığı yoxdur, ancaq ailə tez bir zamanda sanki qızlarından "qurtulmaq" üçün can atırlar. Beyləqan rayonu ərazisində baş verən bu hadisəni qınayırıq və azyaşlıya təhsilinə gələcəyinə dəstək göstərməyə hazırıq".
Daxili İşlər Nazirliyinin (DİN) Mətbuat Xidmətinin Bərdə regional qrupunun baş inspektoru, polis kapitanı Aslan Qiyaslı Report-a açıqlamasında qızın 17 yaşını tamamladığına görə, məsələ ilə əlaqədar qanunla nəzərdə tutulmuş - inzibati və cinayət məsuliyyəti yaranmadığını deyib.
Qeyd edək ki, bundan əvvəl paytaxtın Sabunçu rayonunda13 yaşlı qız 37 yaşlı kişi ilə nişanlandırılmışdı. Hadisənin mətbuatda və televiziyalarda işıq üzü görməsindən sonra aidiyyəti qurumların müdaxiləsi ilə nişan pozulub.
Billurə
