“Abşeron Hotel Qrup” milyon yarımını geri çəkir
“PAŞA Holding” MMC-nin törəmə şirkəti olan “Abşeron Hotel Qrup” MMC nizamnamə kapitalını azaldır.
“Ölkə.Az” xəbər verir ki, MMC kapitalını 1,6 mln və ya 10% azaldaraq 14,250 mln manata endirir.
Bundan əvvəl hotellər şəbəkəsinin nizamnamə kapitalı 15,850 mln manat təşkil edirdi.
Qeyd edək ki, qrup 22.08.2013 dövlət qeydiyyatına alınıb və paytaxtda müvafiq beynəlxalq hotelçilik şirkətləri tərəfindən idarə olunan “Four Seasons Baku”, “JW Marriott Absheron Baku” və “The Ritz-Carlton”, kimi üç lüks hotelə malikdir. Qrup daxilində fəaliyyət göstərən hotellərə həmçinin “Baku Marriott Hotel Boulevard”, “Sheraton Baku Intourist”, “Courtyard by Marriott Baku”, “Shahdag”, “Dinamo Hotel Baku”, “Bilgah Beach Hotel”, “Allium Bodrum Resort & Spa, Bodrum” və s. kimi hotellər daxildir.
Könül
Ölkə.Az
