"Onların sayəsində təhsil öz məcrasından çıxır"

"Onların sayəsində təhsil öz məcrasından çıxır" - Müəllimlər günahkardırmı?

“Müəllimlərlə bağlı narazılığım qüvvəsində qalır. Amma bir söz deyim: İnanın, bu müəllimlər də düzələcək, bilirəm inanmayacaqsınız, hətta bəzi direktorlar da düzələcək, amma bir qüvvə var ki, o düzəlməsə, təhsildə nəyəsə ümid edə bilmərik”.

Ölkə.Az xəbər verir ki, bu sözləri təhsil eksperti Elmin Nuri Xırdalanda məktəblərdə müəllimlərə qızıl zinət əşyası hədiyyə edilməsi barədə danışarkən deyib. O, günahı valideynlərdə gördüyünü bildirib:

“İbtidai təhsil seqmentini bu gün alt-üst edən, hər sinifdə müəllimin inzibatçı olduğu vatsap qrupunda ağalıq missiyasını həyata keçirən, hegemonluğun pik nöqtəsini digər abırlı valideynin üzərində göstərən xüsusi valideyn qrupudur.

Onların "sayəsində" təhsil bu gü öz məcrasından çıxır. Özlərini valideyn təşkilatının rəhbəri adlandıran bu bir-iki nəfər "mənim uşağım sənin uşağına görə bayram etməyəcək?" deyib valideynə də, şagirdə də psixoloji təzyiq göstərirlər. Bunlar pul yığmaq üçün elə bəhanələr axtarırlar ki... Təki özləri və uşaqları öndə olsun, müəllimin, direktorun gözündə "səviyyəli" görünsünlər”.

Qeyd edək ki, bundan əvvəl sosial şəbəkələrdə Xırdalan şəhəri 1 nömrəli tam orta məktəbinin ibtidai sinif müəllimi Yaqut Ağamalıyevaya və Xırdalanda 9 saylı məktəbin müəllimlərindən birinə qızıl hədiyyə edilməsini əks etdirən görüntülər yayılıb.

Billurə