Sabiq nazirin şirkəti dövlət qurumunu məhkəməyə verdi

“Ölkə.Az”ın məlumatına görə, mərhum vergilər naziri Fazil Məmmədovun bankı kimi tanınan “AtaBank” ASC dövlət şirkəti ilə bağlı Bakı Kommersiya Məhkəməsinə müraciət edib.

Hakim Aytən Əliyevanın sədrliyi ilə baş tutacaq məhkəmə işinin mahiyyəti müqavilələrdən əmələ gələn öhdəliklər üzrə - istehlak edilmiş təbii qaz, su, elektrik və ya istilik enerjisinin haqqının ödənilməsi üzrə mübahisələrdir.

Qeyd edək ki, 1993-cü ildə yaradılan “AtaBank” ASC 2020-ci ildə müflis olaraq ləğv edilib. Fəaliyyəti dövründə “AtaBank” ASC-nin sabiq vergilər naziri Fazil Məmmədova məxsus olduğu yazılırdı.

2017-ci ildə nazir vəzifəsindən azad olunan F. Məmmədov 2022-ci il noyabrın 4-də Türkiyədə müalicə aldığı xəstəxanada böyrək çatışmazlığından vəfat edib.

Könül
Ölkə.Az