Məzunlar "lotu mahnısı"nı bir ağızdan oxuyub oynadılar - VİDEO
Ötən gün baş tutan “Son zəng” tədbirində məktəblərdən birində 11-ci sinif məzunlarının rəqs etdiyi mahnı müzakirələrə səbəb olub.
Ölkə.Az xəbər verir ki, məzunlar “Lotu Quli” ləqəbli mərhum kriminal avtoritet Nadir Səlifova həsr olunan mahnıya oynayıblar.
Yayılmış görüntülərə görə bir qisim sosial şəbəkə istifadəçisi elm və təhsil nazirliyini, o cümlədən müəllimləri təqsirkar hesab etsə də, əksini deyənlər də olub. Belə ki, bu cür uşaqların evdə böyüdüyünü, ictimaiyyətdən örnək aldığını, valideynlərin məsuliyyətsizliyi ucbatından belə hallar yaşandığını yazanlar da olub.
Qeyd edək ki, bundan əvvəl də bir sıra orta məktəblərdə və ali təhsil müəssisələrində keçirilən tədbirlər zamanı oxşar halların yaşanması tənqidlərə səbəb olmuşdu.
Billurə
