Xankəndi separatçıları öz qazdığı quyuya düşdü - Panika və ümidsizlik

Laçın sərhəd buraxılış-nəzarət məntəqəsində baş verən son olaylardan sonra Qarabağdakı ermənilər çox ciddi panika içərisindədirlər. Onlar artıq nə edəckləri bilmirlər.

Onların çoxu Azərbaycanın şərtlərini qəbul edib o tələblər çərçivəsində yaşamaq istəsələr də, lakin onları girov vəziyyətində saxlayan separatçı rejim heç bir vəchlə buna imkan vermir.

“Cəhənnəmə gedən özünə yoldaş axtarar” prinsipinə üstünlük verən separatçılar sadə erməniləri də özlərinin girovuna çevirərək fəlakətə sürükləyirlər. Belə şəraitdə üzləşdiklər vəziyyətdən çıxış yolu tapmayan sadə ermənilər öz gələcək talelərindən, üzləşəcəkləri fəlakətdən narahatlıq keçirərək panika içərisində günlərini keçirməkdədirlər. Onlar artıq sabahlarının necə olacağı barədə təsəvvürləri belə yoxdur. Son məlum hadisədən sonra isə Xankəndi-Gorus yolu tamamilə bağlınıb. Bu isə onları ümidsizliyə sürükləyir. Bunu hətta özünü separatçı rejimin “dövlət naziri” Qurgen Nersisyan da  etiraf edib.

“Ölkə.Az” xəbər verir ki, Nersesyan ərzaq təhlükəsizliyi və iqtisadi işlərlə bağlı məsələlərlə bağlı keçirdiyi toplantıda hansı çətinliklərlə üzləşdiklərini açıqca dilə gətirib.

“Çətinliklər olsa da, panikaya ehtiyac yoxdur. Təbii ki, bizdə bu və ya digər məhsul növü ilə bağlı qıtlıq hissi yaranacaq, artıq şəkər, yağ problemimiz var. Bizim kritik məqamlar üçün imkanlarımız var, amma indi onlardan istifadəyə müraciət etməyəcəyik. Un və digər ilkin tələbat malları ilə bağlı vəziyyətimiz stabildir”.

Qurgen Nersisyan ermənilərə çox məhdud yanacaq ehtiyatlarından qənaətlə istifadəni və lazım gəldikdə istifadə etməyi tapşırıb.

Qarabağdakı ermənilərin yegaəı çıxış yolu Azərbaycanın şərtlərini qəbul edib, ona uyğun addım atıb, reinteqrasiya olunmalarıdır. Əks təqdirdə onları qarşıda hələ çox çətin günlər gözləyir. Kimsə onları bu üzləşdikləri durumdan xilas edə bilməyəcək.

Mürtəza
Ölkə.Az